ដុតធូបទៀនសែនកុងម៉ា ឆេះផ្អើលដល់អ្នកជិតខាង និងសមត្ថកិច្ច
23-January-2016 | ដោយ មួយឡា
ភ្នំពេញ៖ នៅព្រឹកថ្ងៃទី២៣ មករា នេះ នៅចំណុចផ្ទះលេខ១៥១ ផ្លូវ១៥៦ហ្សេត សង្កាត់ផ្សារដេប៉ូ១ ខណ្ឌទួលគោក មានករណីភ្លើងឆេះ ផ្អើលដល់អ្នកជិតខាង និងសមត្ថកិច្ចជួយអន្តរាគមន៍។
តាមសម្តីម្ចាស់ផ្ទះបានឲ្យដឹងថា មុនគាត់ចេញទៅផ្សារដើម្បីបើកកន្លែងលក់ដូរ គាត់បានដុតធូបសែនកុងម៉ា ហើយបានផ្តាំអ្នកនៅក្នុងផ្ទះជួយមើលផង។ ស្រាប់តែមួយសន្ទុះមក ក៏មានគេខលប្រាប់ថា មានភ្លើងឆេះទើបគាត់ត្រឡប់មកវិញ ហើយក៏ឃើញមានប្រជាពលរដ្ឋ និងនរគបាលជួយពន្លត់រលត់ទាន់ពេលវេលា ដោយមិនបណ្តាលឲ្យខូចខាតទ្រព្យសម្បត្តិអ្វី ក្រៅពីកុងម៉ាឡើយ។
នរគបាលប៉ុស្តិ៍រដ្ឋបាលសង្កាត់ផ្សារដេប៉ូ១បានបញ្ជាក់ថា មូលហេតុបង្កការភ្ញាក់ផ្អើលអំពីភ្លើងឆេះនេះ គឺមកពីកន្លែងសែនកុងម៉ាដុតធូបទៀនទុកចោល មិនបានមើលពេលមានកម្ទិចភ្លើងធ្លាក់បង្កជាការឆេះតែសំណាងល្អយើង អាចពន្លត់ទាន់ពេលវេលាមិនបណ្តាលអោយមានគ្រោះថ្នាក់ដល់មនុស្សនិង ទ្រព្យសម្បត្តិផ្សេងៗឡើយ៕
ចំនួនអ្នកទស្សនា
- ថ្ងៃនេះ1451
- ម្សិលមិញ15191
- សប្តាហ៍នេះ44601
- ខែនេះ66481
- ឆ្នាំនេះ66481
- សរុប20508937